Oriaren Traineru Jaitsieraren XXI. edizioa ospatu zen atzo, eta bertan izan zen Hernani, aurreneko aldiz, bi trainerurekin.
Maialen deituriko traineruak, Hernani-Iparragirre Sagardotegia taldeak gidatua, 6garren egin zuen emakumezkoetan, 17:39,30 denborarekin. Zumaia izan zen garaile, 16:15,86 denbora eginda.
13 traineru aritu ziren nor baino nor, eta baita hernaniarrek eta Tarragonako neskek osatutako Hernani-Betulo taldea ere; hauek, 12garren egin zuten.
Esperotako klubek lortu zituzten sailkapeneko posturik onenak: Zumaia (16:15,86), San Juan (16:27,17), Orio (16:32,42), eta Hibaika (16:41,39) sailkatu ziren hurrenez hurren, minutu batekoa baino alde txikiagoarekin, elkarren artean.
Mutiletan ere, sorpresa gutxi
Mutilen artean Orio izan zen garaile, 20:19,51 denborarekin. Atzetik gelditu ziren Hondarribia A (20:23,06), San Juan A (20:50,97) eta Kaiku A (20:53,79). Mutilek 6.000 metroko ibilbidea egin zuten, eta neskek, 4.000koa.