Malerrekako txapelketako finala jokatuko dute gaur Iñigo Urkizu eta Markel Lizeaga pelotari hernaniarrek, Aurrera Saiaz taldeko Mendi eta Imazen kontra. Doneztebeko pelotalekuan izango da finala, 09:00etan hasiko diren partiduetatik 6garrena. Partidu orekatua aurreikusten da. Lizeaga atzelari hernaniarra jotzaileagoa da, baina Imaz aurkaria seguroagoa. Aurreko koadroetan, tantoa aise bukatzen duten bi aurrelari ariko dira. Denboraldi honetan pelotari hernaniarrek jokatutako 18garren finala izango da; Markel Lizeagaren hirugarrena.