Eguraldiak ere malkotan agurtu ditu Inauteriak

Ostiralean hasitako festari amaiera eman zion atzo sardinaren ehorzketak.
Goize­an zehar euria zarra zarra bota zuen, Inauterien bukae­rako kolore grisarekin bat eginda. Arratsaldean, be­rriz, ateri eutsi zion dultzaine­roen eta lutoz jantzitako herri­tarren kale-bueltak iraun bitartean. Azken hauek izan ziren malkotan blai egin zirenak.
Ordu erdiren buelta egin zuten Kaxkoko itzulia, eta arratsaldeko 19:00ak ingu­ru­rako Inauterietako azken kondarrak kiskalita zeuden, sardinarekin batera. Herna­nia­rrek datorren urtera arte zain egon beharko dute, be­rriro ere Inauterietako kolore eta umore onaz gozatzeko.