‘Indarkeria politikoaren eragina Hernanin’ lana aurkeztuko du gaur Euskal Memoriaren Fundazioak udaletxeko areto nagusian, arratsaldeko 19:30etan.
2013an egindako lana da, eta orain bigarren faseari emango diote hasiera. Bertan, herritarren partehartzea beharrezkoa izango da.
Altxamendu faxistatik gaur egunera arte
Lanaren helburua izan da 1936ko altxamendu faxistatik gaur arte hernaniarrek pairatu duten bortizkeria politikoaren bilduma egitea. Bi epe bereizi dira: altxamendu faxista eta lehen frankismoa batetik, 1936tik 1959 urtera artekoa; eta azken frankismotik gaur arteko epealdia bestetik, 1960tik 2013 urtera artekoa.
Hernaniarrei dei egin die Udalak aurkezpenera azaltzeko.
Bigarren fasean, hernaniarren testigantzak
Gaurko aurkezpenaren ondoren bigarren fasea jarriko da martxan. Bertan, herritarren testigantzak jaso nahi dira udal artxiboan edo email bidez: artxiboa@hernani.eus/ info@euskalmemoria.com.