«Milaka herritarrek egindako jostun lana» erakutsi nahi izan du Gure Esku Dagok, eta dokumental batean bildu ditu 2014an zehar antolatutako ekintzen irudiak: Jostunak, herritarren borondateak jositako istorio bat. Herri herri ari dira dokumentala ematen, eta Astigarragak ere badu bere zita: gaur bertan egongo da ikusgai, iluntzeko 19:00etan, kultur etxean.
Ordu eta erdi inguruko iraupena izango du saioak, eta euskeraz da, gaztelaniazko azpitituluekin. Herritar guztiak daude emanaldira gonbidatuta. Sarrera doan izango da.
Eriz Zapirain da dokumentalaren zuzendaria, eta abenduaren 16an aurkeztu zuten, Bilboko Alondegian.
Mugimenduaren sustraitze prozesua
Dokumentalak biltzen du, batetik, nola sustraitu ziren Durango eta Iruñea arteko Giza Katea, iazko ekainaren 8an egin zena, eta Gure Esku Dago mugimendua bera: nola abiatu ziren aurreneko batzordeak, hasierako asmoak...
Eta bestetik, dokumentalean jasotzen dira erreferentzia diren zenbait lagunen adierazpenak ere.