Inauteriek herrian duten indarra agerian geratu da asteburuan. Geroz eta gehiago dira mozorrotu eta kalera ondo pasatzeko gogoz ateratzen direnak. Larunbatean egun osoan izan zen festa; eta atzo, konpartsek markatu zuten eguna. Dozenaka lagun atera ziren hiru konpartsetan, eta kale bazterrak lepo bete ziren, musika alaien erritmora. Gaur ere izango da festa giroan jarraitzeko tartea; izan ere, etxeko txikienei zuzenduta ekitaldi ugari antolatu dituzte. Azeri Dantzak lehertuko du festa goizean, eta handik aurrera izango dira: poniak eta zezen txikiak, tailerrak, erraldoi eta buruhaundiak, erromeria...
09:00 Diana ‘Hernani’ Musika Eskola Publikoko ikasleekin.
10:00 Azeri dantza gaztetxoentzat.
11:30 Haurrentzako poniak eta zezen txikiak Latsunbeko kirol pistan.
12:00 Taloak eta jaboiak egiten
ikasteko tailerrak, haurrentzako, Atsegindegin.
16:00 Erraldoi eta Buruhandien konpartsa, Kriskitiña dantza taldearekin eta ‘Hernani’ Musika Eskola Publikoko dultzaineroekin.
17:00-20:00 Gaztetxoentzako erromeria Haitzama taldearekin, Atsegindegin