Mozorroak prest, gozatzen hasteko!

Eskuz egindako jantziak, etxe­­ko trapu eta traste za­harrekin sortuak, lagunartean erosiak... edozerk balio du Inauterietan, mozorrotzeko. Hernaniar as­kok prest izango dituzte; eta beste batzuk azken momentura arte luzatuko dute inpro­bi­sazioa. Festarako ordea, ez da askorik itxaron be­harko. Gaur arratsaldetik au­rrera, kolorea, festa eta al­gara izango dira nagusi, he­rriko kaleetan.
Inauteriak arratsaldeko 15:15etan hasiko dira ofizialki, Plazan egingo den eki­tal­dia­rekin. Ondoren, ikasto­letako umeak aterako dira, mo­zo­rro­tuta, txarangaren atzetik. Arra­tsaldean festak ez du etenik izango: erraldoi eta bu­ru­haundien konpartsa aterako da, Kriskitiña dantza tal­dea­rekin eta Musika Eskolako dultzai­neroekin. Plaza Berrin eusko diskotekak jarriko du mar­txa. Eta ilun­tzean, afizio­natu mai­lako pelota partiduak izango dira kiroldegian. Momentuko lau pelotari onenek emango dute espektakulua: Paul Ojuel eta Markel Lizeagak batetik, eta Iñigo Urkizu eta Eneko Aizpitartek bestetik.

Musika Banda, kubatarren estilora
Eguneko beste proposamena Mu­sika Bandak egina da: Tro­pikana kontzertua. Mila­gro­san emango dute, 20:00­etan, Do­nostiako Francisco Es­cu­dero kon­­tserbatorioko per­ku­sio ikas­leekin. Inauteriak ai­tza­ki hartu eta Kuba eta ber­tako giroa eka­rriko dute. Be­de­ratzi abesti es­kai­niko dituzte: Danza caribe, Ama­pola, Mam­bo jambo, Más que nada, Ca­ravan, Carioca, Fre­nesi, Tico-Tico eta El cumbanchero.

Zamalanetan, aldaketak
Helduen eta umeen azeri dan­tza dela eta, segurtasuna ber­matze aldera aldaketak izango dira zamalanen or­dutegian. Za­­ma­lanik ezingo da egin on­dorengo ordutegian: otsai­la­ren 14an, 09:30etatik 11:30­eta­ra; eta otsai­laren 16an, 09:30­etatik 11:30etara. Ibilgailuen zirkulazioa ere debekatua egongo da ordutegi horretan.
Era berean, azaldu dute, pre­miazkoa bada ordutegi honetatik kanpo Atzieta eta Izpizua erabili daitezkeela. Barkamena eskatu dute era­gozpenengatik.

EGITARAUA

Otsailak 13, gaur
15:15 Jaien hasiera ofiziala Gudarien plazan. Jarraian, eskola umeen irteera txarangarekin.
17:00 Erraldoi eta Buruhandien konpartsa, Kriskitiña dantza taldearekin eta ‘Hernani’ Musika Eskola Publikoko dultzaineroekin.
17:30 Eusko diskoteka Plaza Berrin.
20:00 ‘Tropicana’ Inauterietako kon­tzertu berezia Hernaniko Musika Bandaren eskutik. Milagrosan.
21:00 Afizionatu mailako pelota partiduak kiroldegiko frontoian.

Otsailak 14, bihar
10:00 Azeri dantza.
11:30 Inauterietako txarangaren
irteera.
11:30 Haurrentzako poniak eta zezen txikiak Latsunbeko kirol pistan.
12:00 Jeiki Hadi taldearen emanaldia. San Joan Konpartsa.
13:00 Erraldoi eta Buruhandien konpartsa, Kriskitiña dantza taldearekin.
17:00 Haurrentzako emanaldia: Ipar amerikar indigenak. Potxin eta Patxin. Atsegindegin.
18:30 Inauterietako txarangaren irteera.
18:30 Mozorro festa gaztetxoentzat Atsegindegin.
18:30-22:00 Erromeria Alaken taldearekin. San Joan Konpartsa.
20:00-23:00 Gaztetxoentzako diskoteka DJ Mikelekin. Atsegindegin.
00:00 Betikoak txarangaren irteera.

Otsailak 15, igandea
11:30 Inauterietako txarangaren
irteera.
12:00 Konpartsen irteera Urbieta kaletik: Ttarla dantza taldea, Elizatxo ikastola eta Inmakulada ikastetxea.
17:00 Haurrentzako emanaldia: Txipli Txapla. Tomaxen abenturak taldea. Atsegindegin.
18:30 Inauterietako txarangaren irteera.
19:30 ‘Hernani’ Musika Eskola Publikoko trikitilarien irteera.

Otsailak 16, astelehena
09:00 Diana ‘Hernani’ Musika Eskola Publikoko ikasleekin.
10:00 Azeri dantza gaztetxoentzat.
11:30 Haurrentzako poniak eta zezen txikiak Latsunbeko kirol pistan.
12:00 Taloak eta jaboiak egiten ikasteko tailerrak, haurrentzako, Atsegindegin.
16:00 Erraldoi eta Buruhandien konpartsa, Kriskitiña dantza taldearekin eta ‘Hernani’ Musika Eskola Publikoko dultzaineroekin.
17:00-20:00 Gaztetxoentzako erromeria Haitzama taldearekin, Atsegindegin.

Otsailak 17, asteartea
18:30 Sardinaren ehorzketa, Plazatik abiatuta.