tratu onak izango dira oinarri, Hernaniko Hezkuntza Plataformak ostegunean antolatutako eskolan. Hilean behin, hezkuntzarekin zerikusia duten gai desberdinak lantzen dituzte eskolan, eta kasu honetan Arremanitz kooperatibako bi kide gonbidatu dituzte: Edurne Mendizabal eta Ibon Arrizabalaga. Ostegunean izango da saioa, Udaleko areto nagusian, iluntzeko 19:00etan hasita.
«Elkarlana, ezinbestekoa»
Arremanitz kooperatibako kideek azaldu dutenez, sexuen aniztasunari eman nahi diote garrantzia, eta tratu onak sustatu: «zaintzak, ondo bizitzea, plazera... erdigunean jarri nahi ditugu. Eta hau lortzeko elkarlana ezinbestekoa da, sare sendo bat osatzea». Arremanitzek gonbitea egin diete herritarrei, osteguneko saiora gerturatu eta elkarrekin pentsatu eta amesteko.