Bazkidetza kanpaina, bete-betean

Gibelalde auzo elkartea mar­txan da 2012a geroztik. Auzoko 7 kidek sortu zuten Lizeaga auzoari martxa eman eta auzoaren beharrak asetzeko. Urtean zehar arrakasta haundia duten hainbat ekintza egiten dituzte, hala nola: Santo Tomas eguna, umeentzako txo­koa, opor garaian ekintzak eta Madalena Jaiak.
Auzo elkartearen funtzionamendurako garrantzia haun­­dia du bazkideak egiteak, eta era berean, dituztenak mantentzeak. Hori horrela, baz­kide kanpaina jarri dute mar­txan otsailean. Gaur eta hilabeteko gainontzeko aste­ar­­tetan egongo dira La­rramendi 11ko lokalean: 19:00­etatik 20:00etara. Bestalde, hilaren 21ean Larramendi ka­lean jarriko dute postua, Pa­che­co eta Aitan Etxe taberna aurrean; 12:00etatik 14:00eta­ra egongo dira.