Maria Berasarte kantari donostiarraren bisita izango da, Hernani’n Musik ekimenaren hurrengo eskaintza. Otsailaren 19an izango da, Biterin (20:00). Kontzertu honetan, Jose Peixoto eta Fernando Judice musikari portugaldarren laguntza izango du Berasartek, eta baita Jose Luis Monton flamenko gitarristarena ere.
Egitarauari dagokionez, maixutasunez landu duen fado sorta bat eskainiko du Berasartek, eta horrekin batera, bere hurrengo diskoaren aurrerapen bat eskainiko du. Subita izeneko lan berri horren bitartez, bere jatorriarekin duen lotura estutu nahi du artistak, bere sorterrira, Donostiara, itzuliz.
Sarrerak gaur jarriko dira salgai Biterin, 7 euroan.