Asteazkenean ospatu zuten Santa Ageda bezpera, Goizuetan. Makilak prest, kalera atera ziren 40 herritar inguru, santa eskean. Aski garbi zeukaten helburua: etxe eta taberna guztiak kantuz poztea. Eta baita lortu ere! Batetik bestera, giro ederra eraman zuten herriko txoko guztietara.
Arratsaldeko 18:30etan zeukaten jarria zita Plazan, eta adin guztietako jendea elkartu zen, kantuan aritzeko. Txikienek ere ez zuten galdu nahi izan! Elur malutak eta trikitixa hotsak ere bidelagun izan zituzten, kalez kale.