Korrika Kulturalaren barruan, plan ederra antolatu dute gaur, hotzari aurre egiteko: bertso afaria, Santa Barbara elkartean. Maialen Lujanbio eta Aitor Mendiluze ariko dira bertsotan. Gaueko 21:00etan hasiko da eta oraindik badago aukera txartelak erosteko. Oindi eta Rioja tabernetan daude, 25 euroan. Menua ere primerakoa izango da: urdaiazpikoa, arrain zopa, bakailuz betetako piperrak, txahal-masailak saltsan, gazta tarta, kafea eta kopa.
Eskualdeko Mus Txapelketa
AEKk, Mus Txapelketa ere antolatu du eta eskualdeko kanporaketa otsailaren 21ean jokatuko da Landaren, 16:00etatik aurrera. Lau erregetara jokatuko da eta bikote bakoitzak 12 euro ordaindu beharko ditu. Ondoren, irabazleak, Gipuzkoako finala jokatzeko aukera izango dute. Otsailaren 28an izango da finala, Astigarragako Zipotza elkartean (17:00). Eskualdeko 12 bikote sailkatuko dira finalera. Izena emateko, AEKra deitu behar da: 607 592 864. Izena emateko azken eguna otsailaren 18a da.
Artelanen enkantea
Korrika gunean (Andrekale 25), artelanak daude erakusketan eta enkantea egiten ari dira. Herritarrek pujak egiteko aukera dute martxoaren 12ra arte. Lokala zabalik egongo da ostegun, ostiral (18:00-20:00), eta larunbatetan (11:30-13:30).