Estatu Batuetan sagardogintzaren sektorean ospatzen den ekitaldirik garrantzitsuena da Chicagoko Cider Conference, eta bertan da Zaipiain sagardotegia, Euskal Herriko ordezkari bakarra. Mundu osoko sagardoei eskainitako jardunaldi bat egingo da, eta bertan hitz egingo du astigartarrak, Euskal Herriko sagardoaren ezaugarrien inguruan.
Otsailaren 21ean Estatu Batuetako sagardo dastaketa egingo da Zapiainen.
Iazko udaran Estatu Batuetako eta Kanadako hainbat aditu Sagardoaren Lurraldean ibili ziren, hainbat sagardotegi ezagutzeko. Tartean, Zapiain bisitatu zuten, eta Cider Conference ekitaldira gonbidatu zuten.
Sagardo amerikarra dastatzeko aukera, Zapiainen
Chicagoko esperientzia zabaltzeko asmoz, Zapiain sagardotegian Estatu Batuetako sagardo dastaketa egingo da otsailaren 21ean, 11:00etan. Izen-ematea zabalik dago.