Hassanna Aaliari elkartasuna, ehunka lagunek

Ehunka lagun bildu ziren atzo Bilboko manifestazioan, Hassanna Aaliari elkartasuna erakusteko: Hassanna Aalia, asilo politikoa orain, zioen pan­kartak. Izan ere, bizi oso­ra­ko kartzela zigorra ezarri dio Marokoko Auzitegi Mili­ta­rrak sahararrari, eta asilo politikoa ukatu dio Espainiak. Ukapen horre­tan atzera egi­te­ko eskatu diote Estatuari.
Aktibista bakezalea izan da Aalia gaztetatik, eta Gdeim Izik kanpamendu librea eraiki zuen 2010ean beste hainba­te­kin, eta horregatik kondenatu zuten 2013an. Ordurako Her­na­nin zego­e­nez, asilo poli­ti­koa eskatu zion Espainiari, baina ukatu egin diote, eta 15 eguneko epea eman estatua uzteko.
Erabaki horren kontra mobilizatu ziren atzo, «Maro­ko erruduna, Espainia ardu­ra­duna» eta «Hassanna askatu» bezalako oihuekin. Bertan zen Aalia bera ere.