Auzo Udalerako hauteskundeak izango dira maiatzean eta Olak Auzo Elkarteak hautagai-zerrenda bat aurkezteko asmoa du, Ereñotzu Ekinez plataformaren izenarekin. Hautagai zerrenda hori osatzeko, orain dela 4 urteko prozesu berdina erabiliko du auzo elkarteak. Hau da, auzoan erroldatutako 18 urtetik gorako guztiek, pertsonak proposatzeko aukera izango dute hautagai-zerrenda osatzeko.
Bakoitzak 5 izen
Auzotar guztiek etxean jasoko dute ohar bat azalpenekin. Bertan, bakoitzak nahi dituen 5 izen proposatzeko aukera izango du. Otsailaren 15ean, proposamen guztiak jasoko dituzte auzo etxean (09:00-13:00), eta arratsaldean proposamenak zenbatuko dituzte. 12 bozkatuenek, zerrenda osatuko dute, elkarrekin bildu eta adostuz.