Auzolana antolatu dute gaur, Putzuzar iturria eta putzua berreskuratzeko. Akola baserriaren ondoan dago Putzuzar eta 10:00etan jarri dute hitzordua, Akolako atsedenlekuan. Oinez joateko gomendatu dute eta aitzurrak eramatea ere eskertuko dute. Ziraba proiektuaren barruan antolatu dute ekimena eta Putzuzar berreskuratzeaz gain, beste bi putzu txiki ere egingo dituzte. Biodibertsitatea hobetzeko balioko du auzolanak, anfibio eta narrastiak ugaritzeko. Baina baita kultura berreskuratzeko ere. Antzinako hainbat lan, tresna eta teknika gogoratuko dituzte.