Korrika 19 martxoaren 21ean iritsiko da Astigarragara eta AEKko kideak hasi dira Korrika Kulturala prestatzen. Bihar bertan, Korrika gunea inauguratuko dute, 18:00etan. Hernanin egongo da lokala, Andrekale 25ean (Deportibo tabernaren aurrean), eta dei egiten diete astigartarrei gerturatzeko. Pintxoak ere izango dira.
Ekintza ugari
Astigarraga, Hernani eta inguruko herrietako artisten obrekin enkante bat ere egingo dute eta bihar izango da obrak ikusi eta lehenengo puja edo eskaintza egiteko aukera. Martxoaren 12ra arte izango da. Bitarte horretan, lokala irekita egongo da ostegun eta ostiraletan (18:00-20:00), eta larunbatetan (11:30-13:30). Artistei ere dei egiten diete parte hartu nahi izanez gero, obrak eramateko.
Beste hainbat ekintza ere izango dira Astigarragan, Hernanin eta eskualde mailan: bertso afaria (otsailak 6), Korrika arroparen desfilea (otsailak 7), eskualdeko Mus Txapelketa (otsailak 21), festa...