Hassanna Aalia sahararrari babesa emateko, zenbait ekintza antolatu dituzte hurrengo egunetan. Gaur bertan, mozioa aurkeztuko du Saharar Herriaren Aldeko Lagunak taldeak, Udaleko plenoan, 19:00etan. Eta jarraian, 20:00etan, kontzentrazioa egingo dute Plazan.
Hernanin bizi da Aalia, eta aktibista bakezalea izan da gaztetatik, herri sahararraren eskubideen aldeko lanean aritua. Gdeim Izik kanpamendu librea eraiki zuen 2011n, beste hainbat zibilekin, eta horregatik, bizi osorako kartzela zigorra ezarri diote. Orain, Espainiak ukatu egin dio asilo politikoa, eta estatua utzi beharko du egun gutxitan. Horren kontra, sinadurak biltzen ari dira, www.avaaz.org webgunean.
Manifestaziorako, autobusak
Manifestazioa ere egingo dute Bilbon, larunbat honetan, 17:00etan Arriagatik abiatuta. Bertara joateko, autobusak jarri dituzte Hernanitik: 15:30etan aterako dira Atsegindegitik.
Joan nahi dutenek, Uru, Oindi eta Garin tabernetan eman dezakete izena, eta osteguna da azken eguna. 10 euro dira.