Hauteskundeei begira, lanean jarraitzen du Hernaniko EH Bilduk, herri programa eta hautagaien zerrenda osatzeko.
Hori horrela, beste batzar ireki bat deitu du datorren ostegunerako, hilak 29, arratsaldeko 19:30etan Biteri kultur etxean. Hernaniar guztiei luzatu diete gonbitea, batzarrera gerturatu eta parte hartzera animatu daitezen.
Programa osatu eta hautagaiak aukeratu
Osteguneko batzarrean bi gai landuko dira. Batetik, jarraipena emango diote herri programa osatzeko Puntuz Puntu dinamikari. Bestetik, datorren legegintzaldirako hautagaiak eta zerrenda burua proposatuko dira, denon artean eztabaidatu eta erabakiak hartzeko.