Suharri Rodriguezek badaki zer den Gipuzkoako Trinkete Txapelketako finala jokatzea. Gaurkoan bakarka izango da eta onena eman beharko du, txapela janzteko. Aurrean ez du aurkari makala izango: Oiarpe klubeko Argoitz Otaño jubenila.
Final haundia Irurako trinketean jokatuko da, arratsaldeko 16:15etan hasita. Finala jaialdiko bigarren partidua izango da.
Lehendik ere, elkarren
kontra arituak
Aski ezagunak dira gaurko bi aurkariak, maila berean egonda, behin baino gehiagotan aritu baitira elkarren kontra. Txapelketa honetan bertan ere neurtu zituzten indarrak; zehazki, sailkapen fasean. Orduan astigartarra izan zen nagusi, 35-33. Rodriguezek bere mailarik onena eman beharko du finala irabazteko.