Hauteskunde programa osatze aldera, herritarrekin biltzeko asanbladak deitu ditu Hernaniko PSE-EEk.
Gaur bertan bigarrena egingo du, goizeko 10:30etan hasita, Biteri kultur etxean. Julio Astudillo, Batzar Nagusietako PSE-EEko batzarkidea izango da bertan.
Herritarren iritziaren berri jakiteko PSE-EEk antolatutako bigarren asanblada izango da, gaurkoa.
Enpleguari buruz
Gaurko asanbladaren gai nagusia enplegua izango da.
Julio Astudillo abokatua da lanbidez, eta Foru Ogasunean aditua. Gaurko asanbladan hartuko du parte, eta bi gai landuko dira, bereziki: enplegua sustatzeko udaletxeak zer egin dezakeen, eta herriko politika fiskalaren azterketa.
Parte hartzeko deia
Hernaniko PSE-EE asanbladak antolatzen ari da, herritarren iritzia jaso eta hernaniar sozialistekin harremanak estutzeko.
Gaurko asanblada alderdiak antolatutako bigarrena da, eta herritar guztiei azaldu eta parte hartzeko deia luzatu diete.