Puntuz-Puntu dinamika martxan du Hernaniko EH Bilduk, 2015-2019ko legegintzaldirako lehentasunak finkatzeko.
Herritarrekin biltzen ari da, Hernaniko diagnostikoa egin eta ekarpenak jasotzeko. Gaur, kirolaren inguruan hitz egiteko zita jarri dute, 19:00etan Biterin. Alor honen inguruko diagnostikoa egin eta proposamenak jasotzea da helburua. Gaiarekin lotura duten herritarrak bilduko dira, baina batzar irekia da, proposamenak dituen edonori zuzendua.
Larunbatean, diagnostikoa
Pasa den larunbatean egin zen aurreneko mintegia. Lau taldetan banatuta, hainbat gai landu eta diagnostikoa egin zuten: politika feminista, trantsizio energetikoa, etxebizitza, kultur aniztasuna, hezkuntza...
Orain, proposamenak jasotzeko fasea hasi da ondorengo gaien inguruan: gizarte politika, kirola, kultura, merkataritza, aniztasun funtzionala, gatazkaren konponbidea, auzo udala eta lurralde antolaketa. Gaur, hain zuzen, kirolaz ariko dira.