Udal Euskaltegiak Kafe Tertulia ekimena sortu du, modu informal batean eta lagunartean euskera praktikatzeko.
Asteazkenero Gunea garagardotegian elkartzea da asmoa, 17:00etatik 18:30etara. Doan da, ez da izenik eman behar, bertara azaltzearekin nahikoa da, eta ez da asteazkenero azaltzeko konpromisorik behar.
Aurreneko saioa, gaur
Gaurkoa izango da ekimen hau martxan jartzeko eguna. Helburua da parte hartzera animatzen direnak mahai baten bueltan esertzea, hiru edo launaka, kafe bat edo beste zerbait hartu bitartean euskera praktikatzeko.
Edonork har dezake parte: euskera ikasleek, euskera ikasle izandakoek, euskeraz hitz egiteko aukera gutxi dutenek, edo, besterik gabe, tarte atsegin bat pasa nahi dutenek. Euskaltegiko irakasle bat egongo da, laguntzeko.