Hemezortzi urtetik gorako herritarrei ikasten hasi edo jarraitzeko aukera ematen diete EPAn. 2014/2015 ikasturtea martxan da, eta ekainera bitartean, ikasi nahi dutenek orain dute matrikula egiteko garaia. Izan ere, ikasturtea bi lauhilekotan dute antolatuta: irailetik otsailera, eta otsailetik ekainera.
Aukera ezberdinak dituzte: graduatua atera, hizkuntzak ikasi edo informatika klaseak jaso.
Graduatua atera nahi?
Adin nagusikoa izan eta graduatua atera nahi duen edonork ditu zabalik ateak EPAn. Horrez gain, Hezkuntza arautuaren barruan beste hainbat klase ematen dituzte: idazten eta irakurtzen ikasi, komunikazio trebetasunak hobetu edota ezagupenak gaurkotu.
Hizkuntzak eta informatika ere, aukeran
Euskera eta ingelesezko oinarrizko maila ikasteko aukera ere eskaintzen dute EPAn. Ordenagailua erabiltzen ikasi nahi dutenentzat ere, bada aukera: informatika oinarrizko klaseak ematen dituzte. Hiru kasu hauetan, klaseak astean bi egunez jasotzen dira.
Bestalde, atzerritarrentzat gaztelania klaseak ere ematen dituzte.
Matrikula, debalde
EPA ikastetxe ofiziala da, Eusko Jaurlaritzako Hezkuntza Sailaren esku dagoena. Matrikula debalde da bertan, eta irakasle titulatuak eta espezializatuak dituzte.
Izen ematea, astez
Matrikula egin nahi dutenek, astez egin behar dute Antziola 62ko egoitzan. Ordutegia da: astelehenetik ostegunera, 10:00-12:00 eta 17:00-19:00; ostiraletan, 10:00-12:00.