Herri dinamika jarri du martxan EH Bilduk hurrengo legegintzaldirako programa finkatzeko, eta gaur lehenengo mintegia izango da. Herriaren diagnostikoa egingo dute: «Arlo bakoitzak egin duen lana konpartitu eta Hernaniko argazki bateratu bat izan nahi dugu», azaldu dute. Eta gaur, 10:00etan, Biterira azaltzeko gonbitea luzatzen diete gaian interesa duten guztiei. Gainera, haurrentzako dinamikak eta ekintzak izango dira. Honako gaiak landuko dituzte: politika feminista, trantsizio energetikoa, etxebizitza, kultur aniztasuna, hezkuntza, pertsona helduak, tokiko garapena, gazte politika, parte hartzea, euskera, politika fiskala, internazionalismoa, energia, hondakinak, ingurumena eta elikaduraren subiranotasuna.
Hurrengo mintegiak zehaztuko dituzte
Diagnostikoa konpartitzeaz gain, proposamenen faseari ekiteko azalpenak emango dituzte. Hurrengo mintegiak ere zehaztuko dituzte. Honako gaiak joango dira lantzen: gizarte politika, kirola, kultura, merkataritza, aniztasun funtzionala, gatazkaren konponbidea, auzo udala eta lurralde antolaketa.