Euskal Herriko Mus Txapelketa martxan da, dagoeneko. Urtarrilean zehar herriz herriko kanporaketak jokatuko dira, eta Ereñotzun, datorren larunbatean, hilak 24, jokatuko dira partidak, arratsaldeko 17:00etan hasita. Saio horretako onenak hurrengo fasera pasako dira, Gipuzkoako finalera.
Izen-ematea irekita dago. Irrintzi tabernan bertan egin behar da, eta bikoteko, 20 euro balio ditu.
Otsailean Gipuzkoako finala; martxoan, Euskal Herrikoa
Hil honetan zehar herriz herriko kanporaketak jokatuko dira. Probintzia bakoitzeko finalak, berriz, otsailean jokatuko dira. Gipuzkoakoa, otsailaren 21ean izango da, Alegin.
Euskal Herriko finala, berriz, martxoaren 7an jokatuko da, Lekeition.