Uholdeen eragina txikitzeko asmoz hainbat neurri hartu ditu Astigarragako Udalak, azken hilabeteetan; garrantzitsuenak, Ergobian. Asteazkenean probak egin zituzten udal teknikari eta ordezkariek, guztia prest dagoela egiaztatzeko. Estolderian bonba eta klapetak jarri dituzte, eta uraren maila igotzen denean jarriko den harresia ere prest dago.
Datozen asteetan bilera egingo dute auzotarrekin, hartutako neurri horien eta uholdeen kontrako protokoloen berri emateko.