Gabonak bukatu berri diren honetan, ez dago atsedenerako tarterik! Izan ere, hementxe bertan izanen ditugu Inauteriak, laster. Hori horrela, bilera eginen dute datorren ostegunean, hilak 15, 21:00etan Kontsejun. Animatu eta bertaratzeko deia luzatu dute, festak denen artean antolatzeko.
Zahagi Dantza eta puska biltzea, urtero bezala
Urteroko ohiturak mantentzeko, aurten ere ez dira faltako zomorroen puska biltzea eta Zahagi Dantza.
Aurreko urtean 30 bat lagun bildu ziren, eta, ondoren, bazkari eder baten bueltan berreskuratu zituzten indarrak, arratsaldeko Zahagi Dantzarako.
Berrikuntzak eta ohiturak
Bikote baten erlazioa irudikatzen da normalean, arratsaldeko saioan, eta bertan, hainbat berrikuntza egiten dira tarteka. Iaz, txanpain botilarekin azaldu ziren Aranoko haur jaio berriak!
Bestalde, garai bateko jantzi eta doinu bat berreskuratzeko lanetan jarraitzen dute.