Beste sei bilera egingo dira auzoz auzo, bihartik datorren asteazkenera

Bihar Santiagomendiko au­zotarrekin egingo du bilera Udalak, eta etzi, erdiguneko herritarrekin. Larunbatean, berriro ere erdiguneko au­zo­tarrekin bilduko da, eta datorren astean, beste hiru bilera egingo dira: aste­le­he­nean erdigunean, asteartean Perurenan, eta asteazkenean Martindegin.

Bilerak bukatuta, Ogasun Batzordera eta Plenora
Auzoz auzokako bilera haue­tan, herritarren ekar­penak jaso nahi ditu Udalak. Hauek aktan jaso, eta urtarrilaren 26ko Ogasun Batzordean aur­keztuko dira, aurrekon­tu­e­kin batera. Ondoren, au­rre­kontuak Plenoan onar­tzea espero da.

Partehartze ordenantza martxan
Oraindik onartzeke dagoen partehartze ordenantza mar­txan jartzeko modua da au­rrekontuak herritarrekin ez­ta­baidatzea, hala adostu bai­tzu­ten herritarrek eta Uda­lak. Prozesua bukatzean, au­rrekontu partehartzaileak jarriko dira martxan. 

2015eko Udal Aurrekontuak eztabaidatzeko datozen bilerak:

Bihar, osteguna
Santiagomendi 2. 19:30etan, ohar eta gutunen bitartez Udalak 
jakinarazitako tokian.

Urtarrilak 16, ostirala
Erdigunean. Gaztelekuan, 10:30.
Urtarrilak 17, larunbata
Erdigunean. Kultur etxean, eguerdiko 12:00etan.

Urtarrilak 19, astelehena
Erdigunean. Udaletxean, arratsaldeko 19:30etan.

Urtarrilak 20, asteartea
Perurenan. Auzolan elkartean, arratsaldeko 19:30.

Urtarrilak 21, asteazkena
Martindegin. 19:30etan ohar bidez Udalak jakinarazitako tokian.