Aiert Larrarte eta beste 15 kide atxilotu, eta Antziolako abokatuen egoitza miatu zuten

Ezker Abertzaleko abokatuen kontra Mate operazioa jarri zuen martxan atzo Guardia Zi­bilak. Hamasei lagun atxi­lo­tu zituzten, tartean, Aiert La­rra­r­te hernaniarra. Tartean ziren bai­ta ere, Amaia Izko, Eukene Jau­regi eta Haizea Ziluaga. Hiru hauek ziren, hain zuzen, atzo Madrilen epaitze­koak zituzten 35 euskal herri­tarren abokatuak. Atxiloketak Euskal Herrian eta Madrilen egin zituzten; eta miaketak ere izan ziren. Hernanin, abo­katuek Antziolan duten egoi­tza miatu zuten. Goizeko 09:00etan sartu zen Guardia Zibila, eta Ainhoa Baglietto atxilotua bertara ekarri zuten.

Leporatzen diete: «erakunde terroristako kide izatea eta delitu fiskala»
Espainiako Barne Ministe­rioak atzo jakinarazi zuenez, atxilotuei leporatzen diete «era­kunde terroristako kide iza­tea eta dirua zuritzea». Pren­tsa oharrean azaldu zu­ten: «2012 eta 2013 artean  ez zituzten 1.300.000 euro aitortu Ogasun Publikoan, eta diru hori ETAko kideei la­guntza juridikoa ema­teagatik jaso zuten. Gastu horiek Herrirak ordaindu zituen. Ope­razioa­re­kin lortu da abo­katuen kolek­tiboa ekono­mi­koki sostenga­tzen zuen egi­tura desegitea».
Atzo martxan jarritako operazioak Mate izena zuen, eta Barne Minesterioak azal­du zuenez, 2013ko irai­laren 30eko Jaque opera­zioaren se­gida zen. Herriraren kontrako operazioa izan zen hura, eta 18 lagun atxilotu zituzten, horietako hamar, Herrirak Plaza Berrin zuen egoitzan.

Kontzentrazioak goiz eta arratsalde, Sortuk deituta
Sor­tuk mobilizazioak deitu zi­tuen atzo, atxiloketak sa­la­tzeko. Miaketak iraun bi­tar­tean, dozenaka lagun kon­tzen­tratu ziren Antziolan, abo­­­katuek duten egoitza alda­menean. Manifestazioa deitu zuten arratsaldean, Plazatik abiatuta: «Bilboko mani­fes­ta­zio jendetsuaren ondo­ren, Espai­niar estatuaren mende­kua izan da; presoei sostengu guztia kentzeko operazioa. Herri honek Guardia Zibilari xake-matea emateko unea da», aldarrikatu zuten.

Ez ohiko Plenoa, gaur
Azken sarekada salatu eta adierazpen instituzionala onar­tzeko asmoz, Plenoa deitu du gaur Udalak. Ez ohikoa izango da, 19:00etan hasita, Udaleko Pleno aretoan.

Epaiketa, bertan behera
Atzo hastekoa zen 04/08 su­ma­rioaren epaiketa, Batasu­na, EHAK eta ANVren kon­trakoa. 35 euskal herritar epai­tu behar dituzte, tartean, Nekane Erauskin eta Alazne Arotzena. Abokatuen atxilo­ketak medio, bertan behera geratu zen, atzo