Gaur zen hastekoa, 04/08 sumarioaren epaiketa, baina bertan utzi du aurreneko saioa Auzitegi Nazionalak. Epaiketa eten egin du, gaur goizaldean eman diren atxiloketengatik. 16 lagun atxilotu ditu Guardia Zibilak, tartean epaituko dituzten 35 euskal herritarren abokatuak: Eukene Jauregi, Amaia Izko eta Haizea Ziluaga. ETAri babesa ematea eta delitu fiskalak egitea egotzi diete abokatuei, Espainiako Barne Ministerioaren arabera.
Batasuna, EHAK eta ANVren aurkakoa da eten duten epaiketa. 35 euskal herritar daude auzipetuta; tartean, Alazne Arotzena eta Nekane Erauskin hernaniarrak. Fiskaltzak 10 urteko espetxe zigorrak eskatzen ditu.