Hernaniko Gure Esku Dagok aurkezpena antolatu du asteazkenean, Biterin, 19:00etatik aurrera. Datozen hilabeteetarako prestatu duten ekimen sortaren berri emango dute. Ekainean Anoetako estadioan egingo den festa haundiaren xehetasunak eta nondik norako guztiak ere azalduko dituzte. 19:00etan hasiko da eta ordubete iraungo du. Ondoren, Jostunak dokumentala izango da ikusgai, 21:30ak arte. Gure Esku Dagok hernaniar guztiei dei egiten die bertaratu daitezen.