Foto Forum Hernanik erakusketa bat antolatu du Biterin eta gaur inauguratuko dute. Arratsaldeko 19:00etatik aurrera izango da eta herritarrei gonbitea luzatzen diete azaltzeko: «Momentu honetaz gurekin gozatzea nahi dugu. Eta gogoratu ateak zabalik dituzuela elkar ezagutu eta zaletasunarekin bat egiteko».
Erakusketaren helburua da, Argazki Forumaren jarduera ezagutaraztea. Hori horrela, bertako 21 argazkilariren 100 argazkitik gora egongo dira ikusgai.
Bi astez ikusgai
Gaurtik, hilaren 21era egongo da ikusgai erakusketa, astelehenetik ostiralera. Ordutegia, honakoa: 11:00-13:00 eta 18:00-20:30.