Iazko urtarrilean, 77 lagunek eman zuten odola eta gaur, datu hori errepikatu edo hobetu nahiko luke Odol Emaileen elkarteak. Horretarako aukera, 18:30etatik aurrera izango da anbulatorioan. Organo donante egiteko aukera ere izango da.
Hilabetetik hilabetera, aldea
2013ko datuekin konparatuta, 2014an orokorrean, jaitsi egin da pixka bat estrakzio kopurua. Hala ere, 700eko kopuru horri eutsi dio eta bataz beste, 60 estrakzio egin dira hilabetero. Hala ere, aipatzekoa da hilabetetik hilabetera egon den aldea. Urtarrila, uztaila, urria eta abendua oso hilabete onak izan dira, 70-77 estrakzio artean, eta martxoa, maiatza, abuztua eta azaroa kaxkarragoak, 44-51 estrakzio artean.
Emaile berriak, hilabetero
Hernanin, hilabetero izaten da odol emaile berriren bat, eta hori ere poztekoa da elkartearentzat. Normalean, 1-3 emaile berri izaten dira hilabetero eta apirilean, 5 herritar animatu ziren.
Hernanin, urtean, 800-1000 odol donazio egitea litzateke perfektua, OMSen (Organización Mundial de la Salud) datuen arabera eta datu horietara gerturatzea izango da helburua aurten ere.