Hernanira iristear dira Errege Magoak, Ekialde Urrunetik bidaia luzea egin ondoren. Gaur arratsaldeko 18:00etan izango dira herrian, opariz gainezka. Urbieta kaletik abiatuko da Erregeen kabalgata, Karobi elkartearen ondotik, herrian barrena ibiltzeko, Musika Bandaren eta txistularien laguntzaz.
Urbieta kaletik, Guria tabernara iritsiko dira, eta Izpizua kaletik igoko dira gero. Segidan, ezkerretara egingo dute, Plazara sartzeko. Andrekaletik Zinkoeneara jaitsi, eta Kale Nagusitik bueltatuko dira Plazara. Udaletxeko arkupeetan, haurren gutunak jasoko dituzte, eta oparitxo bana ere emango diete.
Aurretik, Sandiusterrin ere izango dira Errege Magoak, opariak banatzen.