Bertso saio ederra izango da Oialume biltokian, urtarrilaren 17an. Maila haundiko sei bertsolari izango dira; tartean, Euskal Herriko Txapelketa Nagusiko azken bi txapeldunak: Maialen Lujanbio eta Amets Arzallus. Finalista izandako beste hiru ere egongo dira: Igor Elortza, Unai Agirre eta Beñat Gaztelumendi. Eta Jone Uria gazteak itxiko du seikotea.
Gaueko 22:30etan hasiko dute saioa bertsolariek, eta Amaia Agirre ariko da gai-jartzaile lanetan.
Sarrerak salgai, 12 euroan
Sarrerak salgai daude dagoeneko, 12 euroan. Hernanin, Txilibita, Aker eta Kixkal tabernetan erosi daitezke. Astigarragan, berriz, Ikatza tabernan daude eskuragarri. Eta Donostian ere badago sarrerak erosteko aukera, Rekalden.