Eskubaloiaz betetako gabonak eskaini ditu Hernaniko Eskubaloi Taldeak, haur eta gaztetxoentzat. Gaur dute azken eguna, ate irekien jardunaldiarekin (10:00) eta infantilen taldearen partiduarekin (11:45), Bidasoaren kontra, kiroldegian.
Gabonetan, lau teknifikazio saio antolatu zituzten alebinentzat, eta 30 bat haur bertaratu ziren. Torneo bat ere jokatu zuten, Elgoibarren: lau partidu jokatu, eta bi irabazi zituzten.
Txikienek, berriz, ate irekien hiru jardunaldi izan dituzte. Eta infantilen eta Eskolaren taldeek, torneoa jokatu zuten Urnietan.