Ekitaldi berrirako Egutegi Fiskala argitaratu du Hernaniko Udalak, Gipuzkoako Aldizkari Ofizialean. Zehaztu dute zein izango diren zerga eta prezio publikoen ordainketa egiteko epeak, eta aurreratu bezala, ez da aldaketa haundirik izango, 2014ko egutegiarekin alderatuta.
Errolda fiskalak udaletxeko bulegoetan jarriko dira ikusgai, kobrantza epea hasi baino hamabost egun lehenago, eta modu kolektiboan emango da kuoten zenbatekoen berri.
Ordainketak eskudirutan edo txeke nominatibo bidez egin beharko dira, udaletxean edo baimendutako entitate kolaboratzaileetan.
Tributu guztien ordainketa epeak, zehaztuta
Dagoeneko zehaztu dituzte tributu guztiak ordaintzeko epeak. Aurrenekoak izango dira: ur hornikuntzen eta estolderia zerbitzuaren tasa (otsailak 2tik martxoaren 13ra), eta trakzio mekanikoko ibilgailuena (otsailak 23tik apirilak 4ra).
Data guztiak zehaztuta daude Gipuzkoako Aldizkari Ofizialean, 2014ko abenduak 30eko alean, eta baita www.kronika.net-en ere.