Errege magoak orain hilebete inguru atera ziren ekialde urrunetik, eta laster dira gure artean. Gameluek eta pajeek lagunduta egin dute bidea, opariak barra-barra ekarriko baitituzte aurten ere. Gipuzkoatik barrena helduko dira Goizuetara, etzi iluntzean. Egin duten kalkuluen arabera, 18:30ak inguruan izanen dira Goizuetan. Herritik barrena eginen dute buelta, eta goiko frontoian izanen dira, umeen zain. Gutuna entregatu, urtean txintxo-txintxo portatu direla esan, eta muxu bat emateko aukera izango dute txikienek. Opariren bat ere, banatuko dute bertan.
Zapata garbi-garbi
Umeei harrera egin eta mokadutxo bat eginen dute ostean. Gauerdia pasata, etxez etxe ibiliko dira opariak banatzen. Beraz, zapatak garbitu eta txukun-txukun utzi. Ardo goxoa eta pastak ere, arrunt estimatuak izanen dituzte.