Goizueta eta Aranoko Euskara zerbitzuak antolatuta, Eguberrietako tailerrak eginen dira bi herrietan. Haur eta Lehen Hezkuntzako haurrentzat antolatu dira eta 30etik gora umek eman dute izena. Astelehen eta asteazkenean Goizuetako eskolan izanen dira saioak, 10:00etatik 13:00etara, eta asteartean, Aranoko San Roke elkartean. Eskulanak, jokoak, jolasak... eginen dituzte Dindaia fundazioak gidatuta. Begiraleak goizuetarrak izanen dira.
Presoen alde, kontzentrazioa
Ohi bezala, Urte Zahar egunean, presoen aldeko kontzentrazioa eginen dute plazan.
Olentzero eta Mari Domingi
Olentzero eta Mari Domingi Goizuetara ere iritsi ziren asteazkenean eta opari ederrak utzi zituzten.