Inuxente Eguneko lasterketa aurrea hartuta dator aurten. Gaur izango da eta horrez gain, euskeraren aldeko lasterketa ere izango da. Euskaraz bizi nahi dut! leloarekin antolatu dute Udaleko Kirol Sailak eta Mundarro kirol elkarteak. Joseba Barandiaran plazan izango da irteera eta helmuga.
Adinaren arabera, bi ordutegi izango dira: 16:30etan, 0-5, 6-11 eta 12-16 urtekoek izango dute parte hartzeko aukera, eta 17:30etatik aurrera, 17 urtetik gorakoen txanda izango da. Azken hauek 6 km egin beharko dituzte.
Izen ematea bertan izango da 16:00etatik aurrera. Prezioa: 5 euro. Astigartarrei eta bailarako herritarrei parte hartzeko dei egiten diete.