Gipuzkoako Challengeko bosgarren jardunaldian, lan ederra egin zuten Donosti Berri taldeko txirrindulari astigartarrek eta sailkapen orokorreko postuei eustea lortu dute. Juniorretan, Gorka Urkiolak laugarren postuan jarraitzen du eta 39 puntutara dauka liderra. Kadeteetan, Tomas Oterminek ere saio ederra egin zuen eta Daniarrean eta Scrachean sailkatu zen. Maila berean, Urko Semperenak ez zuen bere egunik onena izan, baina bere hirugarren postuari eustea lortu zuen, sailkapen orokorrean. Liderra 40 puntutara dauka eta bigarrena, 4 puntutara. Larunbatean seigarren jardunaldia izango da 16:00etatik aurrera Belodromoan.