Urrian jarri zen martxan Gaztetu Hernani parte-hartze prozesua, Hernaniko gazteen diagnostiko bat egin eta Udalaren gazte politikaren lan ildoak zehazten laguntzeko.
Bost lan saio egin dira, eta gaur, 17:00etan Biterin, emaitzen berri emango dute.
Ondorioekin zer egin?
Urrian aurkeztu zuten parte-hartze prozesua, Atsegindegin antolatutako Worldkafearekin. Helburua izan zen galdera bati erantzutea: zer da gaztea izatea egungo Hernanin?
Ordutik, beste lau lan saio antolatu dira, gazteek hainbat gairen inguruan hausnartu eta herriko diagnostikoa egiteko: espazioen erabilerak, herriko gazteen arteko harremanak, gazte politika baten lan lerroak, eta Udala eta gazteen arteko balizko elkarlan espazioak.
Prozesuan 65 partehartzailetik gora izan dira, eta landutako guztiarekin hainbat ondorio atera dira. Ondorio horien berri emango dute gaur, hain zuzen ere, 17:00etan Biterin.
Bestalde, prozesutik ateratako ondorio horiekin zer egingo den azalduko dute.