Udalak kamarak jarriko ditu larrialdi guneetan

Larrialdi guneetan kamarak jartzeko pausoa eman du Uda­lak, gune horietan hon­da­ki­nak ez direla modu egokian bereiz­ten azalduz: «Larrialdi gu­neak martxan jarri zire­ne­tik maiz gertatu da honda­ki­nak gaizki bereizita agertzea, eta horien artean zenbait portaera ardu­ra­gabe detekta­tu dira. Aipatu­ta­ko gaizki berei­zi­tako honda­ki­netaz gain, de­ne­tarik agertu da or­ga­nikoaren, paper eta kartoi­en eta ontzi arinen edu­kion­­tzietan: obra hondakinak, neumatikoak, tuberiak… Uda­la saiatu da bestelako neurri zu­zen­tzaileak hartzen, baina orain arte emaitzarik ez dute eman eta horren ondorioz, bes­te pauso bat eman du Udalak: kamarak jarriko ditu Astiga­rragako 4 larrialdi guneetan». 
Datuak ere eman ditu: «Azken 3 hilabeteetako datuak oso esanguratsuak dira. 85 egunetan egin da bilketa, eta horietatik 34 egunetan, bil­ke­ten %40an, larrialdi guneetan hondakinak gaizki bereiztea­gatik inzidentziaren bat jaso da Udalean. Hiru hilabete hauetan, larrialdi guneetako 50 inzidentzia baino gehiago jaso dira Udalean. Inzidentzia hauetan birziklagarriak diren hondakinak errefusera bide­ratzen dira, eta ondorioz, tra­tamendu gastuak haunditu egiten dira zuzenean zabor­tegira doazelako honda­kin hauek».

Bosgarren kontenedorearen eredua 
Larrialdi guneetakoa bosga­rren kontenedorearen eredua dela gogorarazi du Udalak: «Bilketa ez da indibidualiza­tua, edukiontzi haundietan egiten da, eta ondorioz, hondakinen bereizketa modu egokian egitea zailagoa da derrigortasuna ezin delako aseguratu. Herritarren boron­date ona beharrezkoa da bilketa modu egokian egiteko. Kontenedore haundietan hondakinak ez badira ondo bereizita uzten, normalean hondakin horiek errefusara bota behar izaten dira. Aukera baldin badago, gaizki bereizita dauden hondakinak kendu egiten dira, baina oso zaila da gehienetan hori egitea. Hori horrela, nahikoa da parte hartzaile batek edo pare batek hondakinak gaizki bereiztea, beste guztien lana hondatu edo saboteatzeko». 
Udal ordezkariek azpima­rratu dute seguru daudela erabiltzaile gehienek erabilera egokia egiten dutela, baina arazo hauekin amaitzeko, irtenbide bakarra dela ondo­rioztatu dute.