Udalak jakinarazi duenez, hondakin bilketan aldaketak izango dira Gabonetan. Kronikara bidalitako oharrean zehaztu dute, hiru egunetan izango direla aldaketak: abenduaren 24, 26 eta 31n.
Abenduaren 24an bilketa ordubete aurreratuko da; beraz, 22:00ak baino lehen utzi behar da organikoa.
Abenduaren 26an paper-kartoi bilketa berezia egingo da, goizez. Hortaz, 14:00ak baino lehen utzi beharko da. Gaueko organikoa berdin-berdin jasoko da.
Azkenik, abenduaren 31n ordubete aurreratuko da bilketa. Beraz, 22:00ak baino lehen utzi beharko da organikoa.