Abesbatza, txistulari eta saxofoi kontzertua, gaur

Urtea bukatu aurretik, Egu­berrietako kontzertuak ema­ten ari dira, han eta hemen, Her­naniko musika taldeak. Gaurkoan hiru haundiren txan­da izango da: Hernani Mu­sika Eskolako Dakapo abes­­batza, txistulariak eta Her­nasax saxofoi taldea. Mi­lagrosan jarri dute hitzordua, iluntzeko 19:00etan.
Urteko garai honetako doinuz osatu dute emanaldia: Eguberrietako abestiez. Euskal billantzikoak eta eguberri garaiko doinuak izango dira entzungai. Baita ere, beste herrialdeetako doinuak abestu eta joko dituzte; asko eza­gunak, eta beste batzuk berrixeagoak.

Zazpi atal
Kontzertuak zazpi atal izango dituela esan daiteke. Aurrene­ko hiruetan, talde bakoitzak bakarrik abestu edo joko du. Dakapo abesbatzak lau abesti: Dona nobis pacem, Al tambor, Hodie Alleluya! eta Olentzero. Txistulariek bost kan­ta, Egu­berria molda­ke­ta­ren barruan: Artzaiak izarren pean, Ain­geruak kristoren jaio­tza ira­gar­tzen, Behemerako bidean, Jau­reskuntza eta Es­tal­pe au­rreko dantza. Eta Her­nasax tal­deak, bi: Medley Nº1 eta Ru­dolph, the red nose reindeer.
Ondoren etorriko dira konbinatuen atalak. Hernasax eta Dakapo abesbatzak joko dute: White Christmas eta Oi Beh­tleem. Hernasax eta txis­tu­lariek: Gabon eguna. Txis­tula­riek eta Dakapo abes­batzak: Hiru errege datoz eta Mariaren semea. Eta bu­ka­tzeko, hiru taldeek batera: Olentzero.
Pianoan Ainhoa Sudupe eta Ana Martinez ariko dira; eta perkusioan Jon Patxe.