Ezkurra eta Ionek txapela, bitrinarako

final haundia zen atzokoa ezkurratarren etxean. Osaba-ilobak aurrez aurre izan ziren, Binakako txapelketa nagu­sian. Esperientzia izan zen garaile atzokoan, eta Koteto Ezkurrak jantzi zuen txa­pel­dunaren ikurra, txapela, Ione­kin batera. Binaka, laugarren txapela du Doneztebekoak; eta hirugarrena Ionek. 35-40 irabazi zuten, Ezkurra II eta San Miguelen kontra.
Ezkurra eta Ion ziren finala irabazteko faboritoak, eta zentratuta atera ziren. Ber­dinduak joan ziren aurreneko tantuak, 3-3. Handik aurrera, aurretik joan ziren Ezkurra eta Ion: 10-13 eta 10-14. Jaun eta jabe izan ziren, 13-28 aurreratzera iritsi ziren. Ezkurra II eta San Miguel partidutik kanpo zeuden, eta Kotetok jarritako erritmora jokatu ziren handik aurrerako tantuak. Azkeneko tantuetan ordea, etorri zen erreakzioa. San Miguelek sa­kean asmatu zuen, eta pelo­takadekin gerturatzea lortu zuten. 23-29tik aurrera, nahiko berdindua joan zen finala.