Hiru kirolari hernaniarrek ondo merezitako saria jaso zuten ostiralean. Kirolaren Saria ematen dute Kirol elkarteek eta herritarrek, eta Eva Esnaola, Ioritz Arrieta eta Iñaki Esnal izan dira aurtengo sarituak. Esker hitzak izan zituzten guztiek, ostiraleko ekitaldian.
Eva Esnaolak emakumezkoen kategorian jaso zuen saria, urte borobila izan baitu; besteak beste, hirugarren egin zuen Spartathlonean, 246 kilometroko proban.
Gizonezkoetan Ioritz Arrieta pelotariak jaso zuen saria, nahiz eta ezin izan zuen ekitaldira gerturatu. Txapel asko ditu irabaziak, eta berezien artean Mundukoa, sub 22 kategorian.
Hernani Saria Iñaki Esnalek jaso zuen, pelota munduan egindako ibilbideagatik: jokalaria, entrenatzailea, hautatzailea... izan da.
Sariak banatu aurretik, euskal selekzioaren inguruko mahai-ingurua izan zen Patxi Jauregi eta Iñaki Laskurainekin.