Aranon ere, hainbat ekintza antolatu dituzte Gabonen bueltan. Asteazkenean, Olentzeroren etorrera iragarriz, kantuan ibiliko dira etxez etxe. Goizeko 09:00ak aldera aterako dira eta ondoren, elkarrekin bazkalduko dute San Roke elkartean. Zozketak ere eginen dituzte. Alde batetik, etxeetan emandako gauzak zozketatuko dituzte umeen artean. Eta bestetik, Gabonetako saski eder bat zozketatuko dute aportazioa egindako etxeen artean. Aurtengo Miaxiria aldizkaria ere atera berri da eta Olentzeroren oparien artean izanen da etxeetan.
Erakusketa eta umeentzat tailerrak
Arano eta Goizuetako umeentzat jolas tailerrak izanen dira. Aranon, hilaren 30ean. Erakusketa bat ere antolatu dute eskolako umeek egindako lanekin eta Gabonetan zehar egonen da Kontsejun.