Aurten ere, eskolako neska-mutilen Olentzeroa aterako da Goizuetako kaleak girotzera. Asteazkenean, 11:00etan izanen da hori. Eta aldez aurretik, eskerrak eman nahi dizkiete ikasbidaiarako diru laguntza ematen dietenei.
Ondoren, 18:30etan, Olentzeroren etorrera izanen da, Guraso Elkarteak eta Gaztetxeak antolatuta. Ongi-etorria Txino auzoan eginen zaio eta herritik bueltatxoa eman ondoren, goiko frontoiean egonen dira Olentzero eta Mari Domingi.
Presoen aldeko Olentzeroa
30 urtetik gora badira Goizuetan presoen aldeko Olentzeroa egiten dela eta aurten ere ez du hutsik eginen. 15:30-16:00ak aldera aterako dira, herri guztia kantuekin girotzeko asmoz. Iñigo Elizegi herriko presoa izanen dute bereziki gogoan. 10 urte daramatza preso. Urte zahar egunean, berriz, kontzentrazioa eginen dute.
Umeentzako tailerrak
Goizueta eta Aranoko umeentzat jolas tailerrak izanen dira hilaren 29, 30 eta 31n (10:00-13:00).